کراچی میں نوکری کی خواہشمند خاتون کو زیادتی کا نشانہ بنایا گیا۔

کراچی: کراچی میں ایک خاتون کو سرکاری نوکری کا جھانسہ دے کر مبینہ طور پر زیادتی کا نشانہ بنایا گیا۔

متاثرہ خاتون نے مقدمہ درج کرایا اور ایف آئی آر میں موقف اختیار کیا کہ ملزم نے اسے نوکری کے لیے انٹرویو کے بہانے بلایا اور بعد ازاں گلستان جوہر کے علاقے میں جنسی زیادتی کا نشانہ بنایا۔

خاتون کا کہنا تھا کہ ملزم فہد نے اسے یہ دھمکی بھی دی کہ اگر اس نے جنسی زیادتی کا انکشاف کیا تو وہ اسے نقصان پہنچائے گا۔

انہوں نے مزید کہا، "فہد نے کہا کہ اس کے والد ایک سینئر پولیس افسر ہیں اور انہوں نے مجھے سنگین نتائج کی دھمکیاں دیں۔”

خاتون نے انسپکٹر جنرل آف پولیس (آئی جی پی) سندھ سے ملزم کو گرفتار کرکے انصاف کے کٹہرے میں لانے کی درخواست کی۔ انہوں نے مزید کہا کہ اگر فہد کو سزا نہ ملی تو میں خودکشی کر لوں گی۔

پولیس کے مطابق ملزم نے ضمانت حاصل کر لی ہے جبکہ تفتیش کار ڈی این اے رپورٹ کا انتظار کر رہے ہیں۔ پولیس نے مزید کہا کہ مقدمہ متاثرہ کی شکایت پر چند روز قبل شارع فیصل تھانے میں درج کیا گیا تھا۔