معروف تامل اداکار ڈینیل بالاجی دل کا دورہ پڑنے سے انتقال کر گئے – ہم نیوز

جنوبی ہند کی فلم انڈسٹری کے معروف اداکار ڈینیل بالاجی 48 سال کی عمر میں دل کا دورہ پڑنے سے انتقال کر گئے۔

بھارتی میڈیا کے مطابق اداکار ڈینیل بالاجی کو اپنے سینے میں درد محسوس ہوا جس کے بعد انہیں چنئی کے اسپتال لے جایا گیا۔

ڈاکٹروں نے ڈینیئل بالاجی کا معائنہ کرتے ہوئے نشاندہی کی کہ اداکار کو دل کا دورہ پڑا تھا تاہم طبی امداد ملنے کے باوجود ان کی حالت سنبھل نہ سکی اور وہ دنیا سے رخصت ہوگئے۔

ڈینیل بالاجی کی اچانک موت نے ساؤتھ انڈین فلم انڈسٹری اور ان کے مداحوں کو صدمے سے دوچار کر دیا ہے، ڈینیئل کے ساتھی اداکاروں نے سوشل میڈیا پر گہرے دکھ کا اظہار کیا ہے۔

ریما خان نے تیسرا عمرہ ادا کیا۔

واضح رہے کہ ڈینیئل بالاجی نے اپنے کیریئر کا آغاز کمل ہاسن کے نامکمل پراجیکٹ ‘مردھوانیاگم’ میں بطور یونٹ پروڈکشن مینیجر کیا تھا، جس کے بعد انہوں نے بطور اداکار ٹیلی ویژن کی دنیا میں قدم رکھا، ان کا پہلا کردار ڈینیل تھا۔ تھا، اس کردار سے شہرت حاصل کرنے کے بعد، ان کا آن اسکرین نام بدل کر ڈینیل بالاجی رکھ دیا گیا۔

سال 2022 میں ڈینیل بالاجی نے اپنے فلمی کیرئیر کا آغاز تامل فلم اپریل مداتل سے کیا، تامل فلموں کے علاوہ انہوں نے کئی ملیالم، تیلگو اور کنڑ فلموں میں بھی اداکاری کی۔