میکڈونلڈز نے اس ایشیائی ملک میں تمام 12 فرنچائزز کو بند کر دیا، لیکن کیوں؟

بین الاقوامی فاسٹ فوڈ چین میکڈونلڈز نے سری لنکا میں اپنے تمام 12 دکانوں کو بند کر دیا ہے۔

امریکی کمپنی کے اٹارنی کے مطابق ملک میں تمام دکانیں بند کرنے کا فیصلہ مقامی پارٹنر کے ساتھ معاہدہ ختم ہونے کے بعد کیا گیا۔

میکڈونلڈ کے اٹارنی سنتھ وجیوردھنے نے دعویٰ کیا کہ "پیرنٹ کمپنی نے معیاری مسائل کی وجہ سے فرنچائز کا معاہدہ ختم کر دیا، کیونکہ وہ اب ملک میں کاروبار نہیں کر سکتی۔ تاہم، وہ دوبارہ نئی فرنچائز کے ساتھ واپس آ سکتی ہیں۔”

انہوں نے کہا، "یہ معاہدہ گزشتہ ہفتے ہی ختم ہوا، لیکن فرنچائزز نے کچھ دنوں تک کام جاری رکھا۔”

دوسری جانب مقامی پارٹنر عباس کے ترجمان نے اس معاملے پر تبصرہ کرنے سے انکار کردیا۔

واضح رہے کہ سری لنکا کا جزیرہ جو بحر ہند کا حصہ ہے جس کی آبادی 22 ملین افراد پر مشتمل ہے، اس وقت ایک بڑے مالی بحران سے نکلنے کی کوشش کر رہا ہے۔